I dtaca le leagan Gaeilge North Strand de, baisteadh an t-ainm Tráigh Chríonáin ar an áit i dtosach an fichiú haois i liosta dátheangach de phost oifigí na tíre. Go dtí tosach an 18ú haois bhí ceantar North Strand faoi uisce. Thugtaí The Strand ar an gceantar (agus ar an trá) ina dhiaidh sin. I gcairt Laidine a bhronn an Prionsa Eoin ar chathroirí Bhaile Átha Cliath sa bhliain 1192, tagraíodh do 'Crinan' ar theorainn thuaidh an cheantair, in aice abhainn na Tulchann ('Tolekan') de dhealramh. Nil bunfhoirm Ghaeilge an ainm úd ar fáil. Ni lú ná tá suíomh beacht na háite ar eolas againn. Maiodh go raibh suíomh an tseanainm úd, 'Crinan', ag freagairt do Summerhill leis. Nior tháinig an t-ainm anuas chugainn pé scéal é agus is cinnte nach féidir ionannú beacht a dhéanamh idir é agus North Strand.