Áit Tí na Scoile/Attinaskollia “an áit ina bhfuil an teach scoile” Áit Tí na Scoile / Attinaskollia
Dáta: 28/08/2023
Anois agus deireadh ag teacht le laethanta saoire an tsamhraidh, is tráthúil aird a thabhairt ar ainmneacha na mbailte fearainn Attinaskollia/Áit Tí na Scoile i gContae Mhaigh Eo agus Tinnascolly/Tigh na Scoile i gCill Chainnigh. Díol spéise nach bhfuil aon tuairisc eile againn ar theach scoile i gceachtar den dá áit seo agus gurb iad na logainmneacha féin an t-aon fhianaise go raibh a leithéid le fáil iontu. Is minic logainm a thagairt do ghnéithe, idir shaorga agus aiceanta, nach bhfuil a rian le sonrú sa taobh tíre a thuilleadh. I gcás Áit Tí na Scoile agus Tigh na Scoile téann an fhianaise stairiúil siar go dtí na blianta 1617 agus 1567 faoi seach; dá bhrí sin is léir gur scoileanna iad seo a bunaíodh i bhfad roimh chóras na Scoileanna Náisiúnta a thug Rialtas na Breataine isteach i rith na 1830í. Tuilleadh eolais anseo agus anseo.
(Conchubhar Ó Crualaoich & Aindí Mac Giolla Chomhghaill)